STP Şirkətlər Qrupu sertifikat ilə təltif olunub

Təhsilin İnkişafı Fondunun təşkilatçılığı ilə Azərbaycan Texniki Universitetində keçirilən “Təhsildən tərəqqiyə” adlı tədbirdə STP Şirkətlər Qrupu təhsilin inkişafına yönəldilmiş layihələrə dəstəyinə görə sertifikat ilə təltif olunub.

Qeyd edək ki, artıq bir ildir ki, STP Şirkətlər Qrupu “Sabahın Gücü” adlı inkişaf proqramını həyata keçirir. Proqramın məqsədi ölkəmizdə sənaye sektoru üçün mühəndisliyin bir çox istiqamətləri üzrə və texniki sahələrdə ixtisaslı mütəxəssislər yetişdirməkdir.Bu günə qədər sözügedən proqramdan 200-dən çox gənc istedad faydalanıb. Onların arasında həm mühəndislik, həm texniki ixtisaslar üzrə məzunlar olub.