Təzyiqsiz kanalizasiya boru sistemlərində müxtəlif diametrli boruların bir-biri ilə birləşdirilməsi üçün Polimer Məlumatlar Zavodunda büzməli borular əsasında (SN8) müxtəlif ölçülü keçidlər istehsal olunur. Keçidlər boru xətlərinin birləşdirici detalı olub, uc hissələrində müxtəlif diametrlərə malikdirlər ki, bunun sayəsində bir diametrdən digərinə keçdikdə, habelə nəql edilən maye axınının sürətini artırmaq və ya azaltmaq lazım gəldikdə boru xətlərinə montaj olunurlar. Başqa sözlə, bu cür detallardan istifadə etməklə boru xətlərindəki yüklənmələri müxtəlif istiqamətlərə yönəltmək və ya şaxələrə ayırmaq mümkündür. Borunu daraltmaqla təzyiq və ya basqını artırmaq, əksinə borunu genişləndirməklə azaltmaq mümkündür.

Keçidlər formalarına görə konsentrik və ekssentrik olmaqla iki tipdə istehsal olunurlar. Konsentrik keçidlərdə giriş və çıxış borularının diametrlərinin mərkəzi bir simmetriya oxu üzərində yerləşir, ekssentrik keçidlərdə isə bu mərkəzlər bir–birinə nəzərən iki paralel ox üzərində yerləşmiş olurlar. Bu səbəbdən də konsentrik keçidlər formaca kəsik konusa oxşayır və əsasən müxtəlif substansiyaları qarışdırmaq üçün şaquli boru xətlərinə quraşdırılır. Ekssentrik keçidlər isə formaca oturacaqları biri-birinə paralel oxlar üzərində olan kəsik konusa bənzədiyi üçün onlardan çox zaman üfüqi boru xətlərinin birləşmələrində istifadə olunur. Bundan əlavə, ekssentrik keçidlərdən istifadə edildikdə nəql edilən maddənin çökərək yığılıb qalması halları aradan qaldırılır. Təmir, cari texniki xidmətlər zamanı və digər problemler meydana çıxdıqda onu təmizləmək asanlaşır.

Qeyd etmək lazımdır ki, bu məmulatlar çox davamlı olduqlarından və onların hazırlandıqları materialların möhkəmliyinə görə onlara təlabat böyükdür. Bu keçidlər hərtərəfli sınaqdan keçirildikdən sonra satışa çıxarılırlar. Bundan əlavə onlar bir sıra aşağıdakı üstünlüklərə malikdirlər:

• Birincisi, boru xətlərinə montaj olunan keçidlərin daxili və xarici diametrləri, habelə onların uc nöqtələri ölçülərinə görə yüksək dəqiqliklə üst-üstə düşürlər.
• İkincisi, keçidlərin hazırlandıqları material keyfiyyətli struktura, zərbəyə davamlılığa və asan qaynaq olunma qabiliyyətinə malikdir.

EKSSENTRİK KEÇİD ÜÇÜN YARIMFABRİKAT

KONSENTRİK KEÇİD ÜÇÜN YARIMFABRİKAT

KONSENTRİK DÜZ KEÇİD

• Material. PPH
• Diametri,d1-d2 (mm)

EKSSENTRİK DÜZ KEÇİD

• Material. PPH
• Diametri,d1-d2 (mm)